THAÇI: MIRATIMI I PROPOZIMIT PËR LIBERALIZIM MOMENT I RI DHE HISTORIK

42

Presidenti i Kosovës, Hashim Thaçi përmes një postimi në Facebook ka thënë se miratimi i propozimit për liberalizimin e vizave nga Komisioni për Politikë të Jashtme i Parlamentit Evropian, është moment historik për Kosovën.

Thaçi ka falënderuar eurodeputetët për angazhimin aktiv dhe vlerësimin real të të arriturave tona.

Postimi i plotë:

Miratimi i propozimit për liberalizimin e vizave nga Komisioni për Politikë të Jashtme i Parlamentit Evropian është edhe një dëshmi tjetër e përkrahjes dhe e gatishmërisë së institucioneve të BE-së për heqjen e vizave për qytetarët tanë.
Ky është moment i ri dhe historik për Kosovën.
I falënderoj eurodeputetët për angazhimin aktiv dhe vlerësimin real të të arriturave tona.
Tani është radha që pa vonesë të veprojmë dhe t’i marrim vendimet ne si Kosovë.
E ardhmja evropiane është e vetmja alternativë për Kosovën.