Mavraj: Stafi ta zgjedh kapitenin

32

Mërgim Mavraj është kthyer në lojtarin më standard të kombëtares, ndërsa në konferencë për shtyp ka folur për ndeshjet e radhës.

Mbrojtësi ka thënë se evropiani duhet të harrohet dhe të fillojë një periudhë e re.

“Ne tani po i kthehemi realitetit pas ëndrrës që përjetuam në Evropian. Është normale që të ndihet pak euforia, por në jemi rritur si skuadër dhe kemi fituar më shumë eksperiencë. Për këtë arsyeje jemi në avantazh se Maqedonia dhe Izraeli në grupin tonë”.

Pas zyrtarizimit të tërheqjes së Lorin Cana, kombëtarja shqiptare duhet të zgjedhë kapitenin e ri, çështje që sipas Mavrajt i përket stafit teknik.

“Ne kemi treguar se nuk ka të pazëvendësueshëm në kombëtaren tonë. Kap patur në krah Ajetin apo Gjimshitin, të cilët tanimë kanë fituar më shumë eksperiencë dhe gjithçka ka qenë “ok”. Ku aspak rëndësi se kush e merr shiritin, këtë e vendos stafi teknik. Mavraj nuk do të votojë fare le ta vendosë stafi”.

Në ditët e fundit mediat italiane kanë raportuar për një transferim të mundshëm të Mavrajt në Serinë A te Sampdoria, opsion të cilin vetë mbrojtësi e hedh poshtë.

“Kolnin nuk e ndërroj kollaj. Është një qytet i shkëlqyer ku unë ndihem shumë mirë. Nuk do të lëviz nga kjo skuadër”, ka thënë mbrojtësi shqiptar.