Mustafa tregon arsyen se pse nuk shkoi në vilën e Ramiz Kelmendit

7

Kryeministri i Kosovës, Isa Musatafa, ka treguar arsyen se pse nuk shkoi në vilën e deputetit të pavarur të Kosovës, Ramiz Kelmendi në Rugovë.

Mustafa thotë se ai së bashku me kryetarin e Kuvendit Kadri Veseli, ishin duke u nisur për të shkuar në Rugovë, por se nikoqiri i këtij takimi, e ka njoftuar se liderët e opozitës nuk do të shkojnë në këtë takim.

“Sot isha duke u nisur për Rugovë, në takim në shtëpinë e z. Ramiz Kelmendi, niseshim së bashku me Kryetarin e Kuvendit z. Veseli, por nga z. Kelmendi u informuam se nuk po vijnë liderët e opozitës”, ka njoftuar Mustafa në Facebook.Ai ka thënë se ky është edhe një argument i qartë se opozita nuk ka gatishmëri të ballafaqohet me faktet dhe me vullnetin politik për zgjidhje.