Rashiq: Edhe shqiptarët edhe serbët po e teprojnë me kishën në oborrin e UP-së

8

Edhe komuniteti serb ka dhënë mendim rreth kishës ortodokse Serbe në oborrin e Universitetit të Prishtinës. Nenad Rashiq ka shprehur se edhe shqiptarët, edhe serbët po e teprojnë me debatin e shumëpërfolur të kishës ortodokse serbe në territorin e Universitetit të Prishtinës.

Deputeti i Kuvendit të Kosovës nga komuniteti serb, Nenad Rashiq, ka thënë se i gjithë debati për këtë kishë është i panevojshëm dhe se të deklarimet publike si për funksionalizimin e saj, si për rrëzimin e saj janë të ngutshme.

Në emisionin “Republika” me Dardan Gashin në Tribuna Channel, Rashiq ka thënë se tema është politizuar nga të dyja anët, dhe të dy ato e kanë tepruar dhe  janë fajtorë për gjithë këtë proces, pasi që qëllimi nuk ka qenë të politizohet kjo temë, por vetë të bëhet mirëmbajtja.

Ai ka sugjeruar që procesi të shqyrtohet pa nguti, dhe ka aluduar se qëllimi i klerikëve ka qenë vetëm mirëmbajtja. telegrafi.