Kocijancic: Murit do t’i vendosen shkallët

43

Maja Kocijancic, zëdhënësja e Përfaqësueses së Lartë e Bashkimit Europian për Politikë të Jashtme, ka thënë se muri që u ndërtua në Urën e Ibrit në Mitrovicë, do të lidhë unazën me zonën e këmbësorëve.

“Nuk do të jetë mur, por një shkallë që lidhë unazën me zonën e këmbësorëve. Gjatë bisedimeve të djeshme palët ranë dakord se do të ngrihen shkallët që sigurojnë lirinë e lëvizjes nga njëra anë në tjetrën”, ka thënë ajo, shkruajnë mediat serbe, transmeton Klan Kosova.

Ndër të tjerash, Kocijancic ka shtuar se Bashkimi Europian, do të monitorojë me kujdes zbatimin e kësaj marrëveshjeje.