Xhelal Sveçla, ministër i Mbrojtjes, ka shkruar një status në Facebook, me të cilin ka deklaruar se dorasi i dyshuar për vrasjen e Hamide Magashit, Sokol Halili, është vetëvrarë pas negociatave për dorëzim.
Por për këtë gjë nuk ka asnjë haber prokurori i rastit të vrasjes së gruas në QKUK.
Prokurori i rastit të vrasjes së gruas në QKUK, Ilaz Beqiri, është deklaruar për rastin. Ai duket të mos ketë asnjë informacion për rastin e Sokol Halilit.
“S’e di valla. Pse a kanë dalë me ndonjë komunikatë a? O jo s’e di, s’e di jo, nuk e kam këtë informatë. A tash po më tregon mue a pe di a s’pe di.” – tha Beqiri i nervozuar pas pyetjes së gazetares Gentiana Hasani se pse ai nuk ka informacione për këtë çështje.
“Po unë jam prokuror i rastit, por jam në zyrë, oj ti çikë, veç sa dola prej gjykimit, unë s’e kam veç këtë rast, kam edhe 500 raste të tjera.” – tha tutje prokurori Beqiri.
