Nga dimër në verë gjatë javës së fundit të marsit. Shi dhe borë, mëngjesin e së hënës. Të premten kthjellime e ngrohtë.
Java e fundit e marsit po parashihet të filloj me mot më të ftohtë, derisa në fundjavë temperaturat i afrohen edhe atyre verore, deri në 23C e 24C.
Gjatë natës me kalimin e një fronti të ftohtë, mbi vend priten të reshura shiu, që vende-vende edhe mund të jenë pak më intenzive. Me rënie të temperaturës aty këtu reshjet e shiu përzien edhe me reshje bore, derisa në vise malore të reshurat do të jenë vetëm dëbore. Pas kalimit të frontit reshjet pushojnë paraditën e së hënës.
Ditëve vijuese do të ketë edhe intervale me diell dhe vransira, që edhe mund të shoqërohen me reshjet të pakta shiu, kryesisht ditën e martë dhe enjte. Temperaturat shënojnë rritje deri në 18C të mërkurën, por se zbresin lehtë ditën e enjtë. Nga dita e premte dhe fundjava shënojnë rritje edhe mbi 20C, deri në 23C e 24C. Minimalet zbresin të martën në -1C, e më pas rriten deri në 6C e 7C.
Me qarkullim të mjaftueshëm ajror ditëve të ardhshme, edhe nivelet e ndotësve ajror do të jenë të ulëta, në vlera të pranueshme. Nga dita e martë, e sidomos të mërkurën koncentrime më të larta të pluhurit saharian mund të zbresin edhe më pranë sipërfaqes, që mund të çojnë indeksin edhe në vlera të dobëta.
25.03 – Natën dhe herët në mëngjes reshje kalimtare shiu. Me rënie të temperaturave vende-vende reshjet e shiut përzien edhe me borë. Në vise malore borë. Reshjet pushojnë orëve të para të ditës. Ditën mbanë mot i ftohtë, me diell e vransira.
26.03 – Kryesisht me vransira. Pasdite mundësi për riga lokale shiu.
27.03 – Vransira dhe intervale me diell.
28.03 – Reshje kalimtare shiu orëve të mëngjesit. DItën intervale me diell.
29.03 – Ngrohtë. Kryesisht me diell.
Erërat fillimisht frynë të lehta dhe mesatare nga veriu 5-10m/s. Nga dita e martë edhe mesatarisht të fuqishme nga jugu e juglindja.
Shtypja atmosferike në rënie deri nga mesi i javës, më pas shënon rritje mbi vlera normale.
