Olympiacosi është fitues i Ligës së Konferencës për edicionin 2023/24.
Olympiacosi të mërkurën mbrëma në Athinë e mposhti Fiorentina me rezultatin 1:0, me gol të minutës së 116-të.
Shënues ishte Ayoub El Kaabi. Goli i tij u konfirmua pas rishikimit të situatës në VAR. Për sulmuesin maroken, 30-vjeçarin El Kaabi, ishte goli i 11-të në nëntë ndeshje të Ligës së Konferencës.
Për Fiorentinan ishte disfata e dytë rresht në finale të Ligës së Konferencës.
“Viola” në edicionin e kaluar ishte mposhtur nga West Ham Unitedi, 2:1.
Për Olympiacosin ishte trofeu i parë në Evropë, në 99 vjet.
Trajner i Olympiacosit është spanjoll Jose Luis Mendilibar, i cili e mori drejtimin e skuadrës në dhjetor të vitit të kaluar.
Vitin e kaluar, ai e fitoi Ligën e Evropës me Sevillan, ndërsa ishte shkarkuar në muajin tetor.
Olympiacosi u bë skuadra e parë greke qe fiton trofe evropian.
