Komuna e Hanit të Elezit është shpallur fituese e Çmimit Evropian për Qeverisje të Shkëlqyer nga Shoqata Evropiane për Demokraci Lokale-ALDA.
Këtë e ka bërë të ditur kreu i kësaj komune, Mehmet Ballazhi përmes një postimi në Facebook.
Ai ka thënë se ky program i akredituar nga Këshilli i Evropës, iu jepet komunave të cilat kanë arritur një nivel të lartë të qeverisjes së mirë, e krahasueshme me standardin e Këshillit të Evropës, u jepet një çmim i ekselencës në qeverisje.
“Afër një vjetorit të qeverisjes komunale, sot jemi njoftuar nga Shoqata Evropiane për Demokraci Lokale-ALDA, se Komuna e Hanit të Elezit është fituese e Çmimit Evropian për Qeverisje të Shkëlqyer, program ky i akredituar nga Këshilli i Evropës, përmes të cilit komunave të cilat kanë arritur një nivel të lartë të qeverisjes së mirë, e krahasueshme me standardin e Këshillit të Evropës, u jepet një çmim i ekselencës në qeverisje”, ka shkruar Ballazhi.
