Dokumentari i David Beckham në Netflix ka qenë një ndër më të komentuarit ditëve të fundit, e mesa duket ka arritur të bëjë për vete miliona shikues në mbarë botën.
Siç raporton DailyMail, familja e famshme ka thyer një rekord duke grumbulluar 3.8 milionë shikues gjatë javës së premierës.
Seriali katër-pjesësh “Beckham”, i publikuar më 4 tetor, tregoi një pasqyrë mbi martesën dhe romancën e tyre të hershme si dhe karrierën në futboll.
Sipas Bordit të Kërkimeve të Audiencës së Transmetuesve (BARB), episodi i parë mblodhi mbi 3.8 milionë njerëz. Pjesa e dytë ishte gjithashtu një sukses duke arritur afro tre milionë shikues.
Sipas të dhënave në Netflix, Beckham ka qenë shfaqja më e shikuar e shërbimit të transmetimit për dy javë tani.
Dokumentari me katër episode, i titulluar “Beckham”, ndjek Posh dhe Becks në jetën personale dhe profesionale, duke kaluar nëpër historinë e tyre së bashku me intervistat e çiftit
Futbollisti tregoi për vështirësitë me shëndetin e tij mendor pasi u bë armiku numër 1 i publikut pas mërzitjes së tij famëkeqe me kartonin e kuq gjatë Kupës së Botës 1998, me abuzime që u bënë ndaj tij dhe familjes së tij.
Victoria foli për herë të parë për dhimbjen që pësoi pas pretendimeve për lidhjen e dyshuar të burrit të saj, David.
