Ministria e Mbrojtjes përmes një njoftimi për media bënë me dije se ka shpallur të hapur konkursin për rekrutimin e 612 ushtarëve aktivë dhe 388 pjesëtarëve të komponentës rezervë të FSK-së.
Ministria e Mbrojtjes, po ashtu njofton, të gjithë të rinjtë e të rejat se mundësia e konkurrimit është për të gjithë të interesuarit për aplikim nga mosha 18 – 25 vjeç, shtetas të Republikës së Kosovës.
“Ministria e Mbrojtjes, të gjithë të interesuarve, ju garanton proces të drejtë dhe transparent, në zbatueshmëri të plotë të procedurave dhe kritereve ku do të zgjidhen më të mirët prej më të mirëve. Ministria e Mbrojtjes mirëpret aplikacione të të gjithëve me inkurajim të vajzave e grave dhe të gjithë të rinjve e të rejave pa dallim nga përkatësia e tyre etnike”, thuhet në njoftimin nga Ministria e Mbrojtjes.
Ndryshe, konkursi është i hapur prej 15.12.2022 deri më 15.01.2023.
