Gjatë së premtes u raportua se një vajzë e mitur, nxënëse në shkollën fillore “Kajtaz Ramadani” në Kijevë të Malishevës është sulmuar seksualisht nga një punonjës teknik i kësaj shkolle.
Lidhur me këtë rast, Drejtoria e Arsimit në këtë komunë kanë marrë vendim që të dyshuarit t’i ndalohet puna nga data 18 nëntor 2022.
“Punëtori Naser Hamëz Malisheva nga fshati Kijevë, KK- Malishevë i sistemuar në punë dhe detyra të punës punëtor teknik në SHFMU “Kajtaz Ramadani” në Kijevë i ndalohet puna nga data: 18.11.2022”, thuhet në vendimin e Drejtorisë së Arsimit dërguar Gazetës Infokus.
Derisa në vendim thuhet se gjatë kohës së ndalimit nga punë të punësuarit i takon e drejta e pagës pa u dëmtuar në të ardhura personale nga data 18 e muajit nëntor.
